கற்பித்தல்

அவள் ஒரு கொடுமைக்கார தாய்
பழம் பறித்து
மடியில் வைத்துக்கொண்டு ஊட்டிவிடாமல்
காட்டுக்குள் ஓடுடா என்று
முதுகில் அடித்து விரட்டுவாள்
தூக்கி மரக்கிளையில் ஏற்றிவிட்டு
காவலுக்கு நிற்காமல் போய்விடுவாள்
புதர்களில் பிடித்துத் தள்ளிவிடுவாள்
முழு நீரோட்டமிருக்கும்போது
ஆற்றுக்கு மறுபக்கமிருக்கும்
மருந்துச் செடியைப்
பறிக்க அனுப்புவாள்
அவளொரு கண்டிப்பான
முதல் ஆசிரியர்.